ആരോഗ്യശ്രീ - രണ്ടാം സെമിനാര്‍ - പ്രൊ. കെ. പത്മപാദന്‍ നയിക്കുന്നു

പ്രസിദ്ധീകരണാര്‍ത്ഥം

അനുയോജ്യ സാങ്കേതിക വിദ്യാ പ്രോത്സാഹക സംഘം, (ATPS), കൊച്ചി.

(Reg. No ER.419/2001 No.1, ITES Habitat, JNI Stadium, Kaloor, 682017)

'ആരോഗ്യശ്രീ'

15-01-2013 നു് വൈകുന്നേരം 5 മണിക്കു് 'തദ്ദേശീയ ചികിത്സാ പദ്ധതികളുടെ പ്രസക്തി' എന്ന വിഷയം റിട്ട. പ്രൊ. കെ പത്മപാദന്‍ അവതരിപ്പിക്കും. തുടര്‍ന്നു് ചര്‍ച്ചയും നടക്കും. സ്ഥലം എറണാകുളം സൌത്തില്‍ സദനം റോഡിലുള്ള കെ ജി ബോസ് ഭവന്‍. ചര്‍ച്ചയില്‍ പങ്കെടുക്കാനും പഠിക്കാനും താല്പര്യമുള്ള ഏവരേയും സ്വാഗതം ചെയ്യുന്നു. മാധ്യമ പ്രതിനിധികളേയും സാദരം ക്ഷണിക്കുന്നു.

ജനകീയാരോഗ്യ പഠന-ഗവേഷണ പദ്ധതി.

ആരോഗ്യം ശരീരത്തിന്റേയും മനസിന്റേയും സുസ്ഥിതിയാണു്. പക്ഷെ, അതിനെ രോഗ ചികിത്സയുടെ പര്യായമായാണു് ഇന്നു് കച്ചവടാധിഷ്ഠിത സമൂഹം കാണുന്നതു്. ആഗോളമായി ധന മൂല ധനത്തിന്റെ മേധാവിത്വം അടിച്ചേല്പിക്കപ്പെടുന്ന ഇന്നു് ആരോഗ്യരംഗവും തനി കച്ചവടമായി മാറിയിരിക്കുന്നു. ധര്‍മ്മാശുപത്രികള്‍ കച്ചവടത്തിനു് വഴിമാറിയിരിക്കുന്നു. മരുന്നു് ഉല്പാദിപ്പിക്കുന്നവര്‍ അവയുടെ ഉപഭോക്താക്കളായ രോഗികളേയും സൃഷ്ടിക്കുന്നു. രോഗീ പരിചരണം നടത്തുന്ന ആശുപത്രികളും രോഗികളെ സൃഷ്ടിക്കുകയും ചികിത്സയ്ക്കു് ചെല്ലുന്നവരെ രോഗികളായി നിലനിര്‍ത്തുകയും ചെയ്യുന്നു. രോഗ പരിശോധകരും ഇതേ പോലെ രോഗികളെ സൃഷ്ടിക്കുന്നതില്‍ താല്പര്യമുള്ളവരായിരിക്കുന്നു. അരോഗ്യ രംഗത്തെ ഈ കച്ചവടക്കാരുടെ കൂട്ടായ്മ ആരോഗ്യ സംരക്ഷണത്തിനു് പകരം രോഗ സംരക്ഷണം നടത്തുന്നതായി അഥപ്പതിച്ചിരിക്കുന്നു. ഈ സാഹചര്യം ആരോഗ്യത്തേപ്പറ്റി മാറി ചിന്തിക്കാന്‍ സമൂഹത്തെ പ്രേരിപ്പിക്കുന്നു. ബദല്‍ കണ്ടെത്തലിന്റേയും സൃഷ്ടിയുടേയും ഭാഗമായി അനുയോജ്യ സാങ്കേതിക വിദ്യാ പ്രോത്സാഹക സംഘം 'ആരോഗ്യശ്രീ' എന്ന പേരില്‍ ഒരു പഠന ഗവേഷണ പദ്ധതി ഏറ്റെടുത്തിരിക്കുകയാണു്.

ശുദ്ധവായു, കുടി വെള്ളം, ആഹാരം, പരിസ്ഥിതി, അദ്ധ്വാനം, വ്യായാമം, വിശ്രമം, വിനോദം തുടങ്ങി ആരോഗ്യത്തെ ബാധിക്കുന്ന ഘടകങ്ങളും അവയുടെ കുറവോ കൂടുതലോ മൂലമുണ്ടാകുന്ന രോഗങ്ങളും അവയുടെ ചികിത്സയും വിശദമായി പഠിച്ചു് മനുഷ്യ ശരീരത്തിന്റേയും മനസിന്റേയും സുസ്ഥിതിയ്ക്കാവശ്യമായ സമഗ്ര ധാരണ രൂപപ്പെടുത്തുകയാണു് പഠന ഗവേഷണ പരിപാടിയുടെ ലക്ഷ്യം. സ്വാഭാവികമായും അത്തരം ഒരു ജനകീയ ബദല്‍ ആഗോള ധന മൂല ധനത്തിന്റെ കടന്നാക്രമണത്തിനെതിരായ ചെറുത്തു് നില്പിന്റെ ഒരു രൂപമായിരിക്കും. മാത്രമല്ല, അതു് കുറഞ്ഞ ചെലവിലുള്ള രോഗീ പരിചരണവും യഥാര്‍ത്ഥത്തിലുള്ള ആരോഗ്യ പരിരക്ഷയും താരതമ്യേന രോഗ മുക്തമായ സമൂഹവും ഉറപ്പാക്കുകയും ചെയ്യും.

08-01-2013 നു് പദ്ധതിയുടെ ഉല്‍ഘാടന വേദിയില്‍ 'പ്രകൃതി ജീവനത്തിലൂടെ രോഗ മുക്ത സമൂഹത്തിലേയ്ക്കു്' എന്ന വിഷയത്തില്‍ ഡോ. ജേക്കബ് വടക്കാഞ്ചേരി പ്രഭാഷണം നടത്തുകയും സദസ് ചര്‍ച്ചയില്‍ പങ്കെടുക്കുകയും ചെയ്തു.

ബാബു ഡൊമിനിക് (ഡയറക്ടര്‍, എടിപിഎസ്)

9446564540, babudomnic@gmail.com

12-01-2013

(തുടര്‍ന്നുള്ള നാളുകളില്‍ വിവിധ മേഖലകളിലെ വിദഗ്ദ്ധര്‍ വിഷയം അവതരിപ്പിക്കുകയും ചര്‍ച്ച നടത്തുകയും അവ പ്രസിദ്ധീകരിക്കുകയും ചെയ്യും.)